Најуспешните држави на светот се тие кои се пријатели и соработуваат со сите, беше последната порака од светскиот Економски форум во Давос, испратена од претседателката на Европската централна банка Кристин Лагард и директорката на Меѓународниот монетарен фонд Кристалина Георгиева.

Нивните коментари се однесуваат на најавеното воведување царини за Европа од новиот американски претседател Доналд Трамп, кој порача дека високиот американски дефицит од стотици милијарди долари во трговијата со Европа не им се допаѓа и неговата администрација ќе преземе чекори да го смени тоа.