Виктор Грозданов вели дека не ја повлекол кандидатурата за член на советот на Агенцијата за аудио и аудиовизуелни медиумски услуги. Во изјава за Телма тој вели дека само реагирал на постапката која ја извршила комисијата за избори и именувања.

Смета дека нивната процедура нема никаква врска со демократијата, посебно затоа што се бираат членови за советот, каде што луѓето ја контролираат целата постапка за информирање на граѓаните, на државата и на самите медиуми. Вели дека не добил никаква покана дека треба да присуствува на расправа.