Украинскиот претседател Володимир Зеленски изјави дека словачкиот премиер Роберт Фицо, со посетата на Москва, покажал оти не сака да учествува во заедничките европски напори за постигнување енергетска независност од Русија, но и дека не сака да бара замена за рускиот гас.

Зеленски на платформата Икс напиша дека Фицо „сака да ѝ помогне на Русија во потиснување на американскиот гас и енергетските ресурси на другите партнери од Европа“, што значи дека, како што наведе, сака „да му помогне на Путин да заработи пари за финансирање на војната и слабеење на Европа“.

„Ние губиме луѓе како резултат на војната што ја започна Путин и сметаме дека таквата помош за Путин е неморална“, наведе Зеленски.