Градоначалничката на Град Скопје, Данела Арсовска доцна синоќа пристигна пред Град Скопје каде претходно градоначалникот на Чаир, Висар Ганиу и група граѓани фрлија отпад.
Тие отпадот претходно го собрале од старата скопска чаршија.
Според чаирскиот градоначалник Ганиу ова го направиле во знак на протест бидејќи службите на Град Скопје не го собираат отпадот, иако жителите на Чаир се даночни обврзници.
- „Чаир заслужува да биде чиста општина“, рече Ганиу и додека дека ова е екоцид. Народот е затрупан во отпад. Ние нема да молчиме, ќе има реакција и ќе има одговор“, порача тој.
Но, кога Арсовска ноќта пристигна пред Град Скопје тој веќе си беше заминат. Таа рече дека нелегално возило кое се задржало само три минути го истурило отпадот што според неа содржел цигли од дивоградбите во Чаир.
На местото интервенираше и полицијата за да спречи евентуална ескалација. Инцидентот доаѓа во период на зголемени тензии меѓу градската администрација и дел од општините, непосредно пред локалните избори.
