Едно лице загина, а најмалку 37 други се повредени откако приградски воз излета од шините во близина на Барселона.

Несреќата се случила откако потпорен ѕид паднал врз железничката пруга, соопштија регионалните власти во Каталонија.

Петмина од повредените се во тешка состојба, а најголем дел од нив се наоѓале во првиот вагон… На местото на несреќата биле испратени 20 амбулантни возила, а повредените се пренесени во околните болници.

Несреќата се случува само два дена по тешката железничка катастрофа во јужна Шпанија, во која загинаа најмалку 42 лица, по што во земјата е прогласена тридневна жалост.

Шпанскиот премиер Педро Санчез преку социјалните мрежи изрази сочувство до жртвите и нивните семејства, наведувајќи дека државата стои во целосна поддршка на семејствата на настраданите.