Врховниот јавен обвинител на земјата издаде наредба до обвинителствата ширум државата веднаш да постапуваат против блокадите на патиштата и нарушувањето на сообраќајот поврзани со протестите на земјоделците и сточарите.

Врховниот обвинител Константинос Цавелас побара итна интервенција во случаи на затворање автопати и патни правци, со проценка на можни кривични дела, меѓу кои загрозување на безбедноста во сообраќајот и прекршување на сообраќајните прописи. Во насоките се наведува дека ваквите дејствија може да се третираат како продолжени кривични дела.

Обвинителите добија задача да ги идентификуваат одговорните лица, да покренат кривични постапки и предметите да ги упатат до надлежните судови. Одлуката следува по повеќенеделните протести низ земјата, додека Владата најави пакет мерки за надминување на кризата, предупредувајќи дека нема да има дополнителни отстапки.