Вишиот суд во Белград ги осуди родителите на Коста К., момчето кое на 3 мај 2023 година уби девет ученици и еден обезбедувач на основното училиште „Владислав Рибникар“ во Белград.

Владимир Кецмановиќ e осуден на 14 години и шест месеци затвор за кривично дело занемарување и злоставување на малолетно лице и тешко кривично дело против јавната безбедност, додека Миљана Кецмановиќ e осудена на две години и 11 месеци затвор за кривично дело занемарување и злоставување на малолетно лице.

Ова е втора првостепена пресуда, на која обвинителството и одбраната имаат право да се жалат до Апелациониот суд во Белград.

На 3 мај 2023 година, 13 годишниот Коста Кецмановиќ  пукаше кон учениците и вработените во основното училиште „Владислав Рибникар“ во Белград и уби десет лица — девет ученици и еден чувар.