Амбасадорот на САД во Србија, Кристифел Хил на Твитер со посебна порака до тимот доктори предводени од Драган Милиќ од Ниш, Србија.

„Фантастични и трогателни вести од Ниш. Му честитам на мојот пријател д-р Драган Милиќ, благодарност до него и целиот негов персонал за овој херојски напор. Ова е од големо значење за грижата за другите“, напиша Хил.

https://twitter.com/usambserbia/status/1645423942688034820?ref_src=twsrc%5Etfw%7Ctwcamp%5Etweetembed%7Ctwterm%5E1645423942688034820%7Ctwgr%5E49e1d1d08a86b122d9177701182beb0f5d320248%7Ctwcon%5Es1_&ref_url=https%3A%2F%2Fnovamakedonija.com.mk%2Fsvet%2Fbalkan%2Fnikoj-nema-da-umre-oti-ne-e-operiran-kardiohirurzite-od-nish-12-vikendi-operiraa-bez-nadomest-vekje-nema-lista-na-chekanje%2F

Милиќ е директорот на Клиниката за кардиохирургија на Универзитетскиот клинички центар во Ниш, кој заедно со лекарите и медицинскиот персонал на оваа клиника, со дополнителна работа, оперирајќи без никаков надомест во изминатите 12 викенди, успеа да направи вистински подвиг и да ја елиминира листата на чекање за кардиоваскуларни операции.

„После речиси 100 дена работа и 12 последователни работни викенди за време на кои персоналот работеше без финансиска надокнада, Клиниката за кардиохирургија во Ниш ја оствари целта. Листите за чекање се елиминирани и сега се Листи за закажување. Пациентите веќе нема да чекаат за операција по 4 – 6 месеци, туку 7 – 15 дена!“, ја објави д-р Милиќ радосната вест.

Како што објавува српски „Блиц“ , сега не стивнуваат пораките за поддршка од сите страни. А како што вели и Милиќ сега неговиот тим е предложен за орден или за награда.

Сепак тој вели дека тие си ја вршеле работата и дека не направиле ништо толку револуционерно за да добијат орден.

„За нас, пациентите на таа листа на чекање умираат. Сега можеме да ги погледнеме сите наши пациенти во очи: никој нема да умре затоа што не ја добил операцијата на време! Никој друг. Сега е само прашање дали сакаат да ја направат операцијата и кога“, објаснува Милиќ во изјава за „Блиц“.

Министерството за здравство на Србија не даде согласност на ваква бесплатна дополнителна работа за викенди, додека од Фондот за здравство велат дека приоритет е скратувањето на листата на чекање, но секое работење надвор од работното време треба да се плаќа согласно законот.

Nakon gotovo 100 dana rada i 12 uzastopnih radnih vikenda u kojima je osoblje radilo bez finansijske naknade,Klinika za kardiohirurgiju u Nisu ostvarila je cilj.Liste cekanja su eliminase i presle su u Liste zakazivanja.Pacijenti vise nece cekati operaciju 4-6meseci vec 7-15dana! pic.twitter.com/Gww4yyUSxj

— Dragan Milic (@drdraganmilic) April 9, 2023