Сè уште се чека официјален одговор од Иран за учество во наредната рунда разговори со САД во Исламабад, изјави пакистанскиот министер за информирање Атаулах Тарар.

Портпаролот на иранското Министерство за надворешни работи Есмаил Багаи изрази загриженост поради американската поморска блокада на иранските пристаништа, запленувањето на ирански брод и заканата на американскиот претседател за уништување на иранската инфраструктура.

„Влеговме во овие преговори со добра волја и со сериозни намери, но другата страна покажува недостаток на сериозност и добра волја. Тие често ги менуваат позициите, овие пресврти и закани за воени злосторства“, наведе Багаи.

Тој не откри кои се условите на Иран за да се врати на преговарачката маса. Багаи потенцира дека во тек се разговори за да се создадат услови за продолжување на преговорите пред истекот на договорот за прекин на огнот.