Пакистанскиот министер за внатрешни работи Мохсин Накви пристигна во Техеран, каде што оствари средба со својот ирански колега во рамки на дводневната официјална посета.

Посетата доаѓа во период на засилени дипломатски активности во регионот.

Според пакистански владини претставници, Исламабад се обидува да помогне во намалување на тензиите меѓу САД и Иран и да придонесе за продолжување на дипломатските разговори.

Накви се очекува да има средби и со други високи ирански претставници.

Пакистанското Министерство за надворешни работи претходно соопшти дека „часовникот на дипломатијата не запрел“ и дека земјата продолжува со напорите за зачувување на мирот и стабилноста во регионот.