Полицијата за борба против дрогата во Перу денеска соопшти дека запленила 4 тони кокаин во вредност од околу 120 милиони долари во главниот град Лима, кој бил наменет за Шпанија и Германија, пренесе АФП.

Кокаинот бил пронајден во неколку пакувања од по пет килограми. Беше измешан со пулпа од манго и ја имаше истата конзистентност и боја постигната со бојата, рече началникот на перуанската полиција Луис Вера.

Пратката требаше да патува по морски пат до Европа, вклучувајќи ги Шпанија и Германија.

Од почетокот на годината, перуанската полиција запленила околу 27 тони дрога. Властите велат дека Перу е еден од најголемите светски производители на кокаин, со околу 400 тони годишно.