Бугарија и Романија стануваат полноправни членки на Шенген зоната, по 13 години чекање. Министрите за внаштрешни работи на земјите членки на Европската Унија едногласно одлучија Бугарија и Романија да влезат во Шенген по копнен пат.

Одлуката влегува во сила на први јануари идната година. Бугарите од овој момент ќе можат целосно слободно да патуваат преку бугарско-грчката граница.

Во рок од шест месеци, ќе се задржи граничната контрола меѓу Бугарија и Романија, но таа нема да биде сто отсто, туку слична на контролата што ја вршат земјите од Унијата кои во моментов ги вратија границите. Како пример беше дадена контролата што моментално се случува меѓу Австралија и Германија.