Собранието ја почна, но веднаш ја прекина 81-та пленарна седница, на која пратениците ќе расправаат за Информација за содржината на Предлог преговарачката рамка за пристапните преговори на Република Северна Македонија со Европската Унија, предложена од страна на Претседателството на Франција со Советот на Европската Унија на 30 јуни 2022 година, по што ќе треба и да бидат усвоени заклучоци, односно насоките што ќе и бидат испорачани на Владата.

Седницата беше прекината уште пред воведното излагање на премиерот Димитар Ковачевски. Пратеничката од ВМРО-ДПМНЕ Дафина Стојаноска излезе на собраниската говорница и ја искина Информација за содржината на Предлог преговарачката рамка.