Полски и сојузнички воени авиони беа подигнати утрово како одговор на руските воздушни напади врз западна Украина, соопшти Оперативната команда на вооружените сили на Полска. Целта е заштита на воздушниот простор на земјата.

Русија започна напад со ракети и беспилотни летала врз цели во близина на украинско-полската граница, што предизвика итна воздушна тревога во регионот. Нападот се случи во раните утрински часови.

Украинските воздухопловни сили издадоа предупредување за можни напади, по што поголемиот дел од западна Украина беше во воздушна готовност речиси три часа.