Романскиот претседател Клаус Јоханис соопшти дека одлучил да се кандидира за генерален секретар на НАТО.

„Одлучив да влезам во трката за позицијата генерален секретар на НАТО. Мислам дека НАТО треба да го обнови погледот на својата мисија. Источна Европа има драгоцен придонес во разговорите и одлуките на НАТО“, рече Јоханис пред новинарите, пренесува „Ројтерс“.

Западните медиуми во последните недели пишуваат дека главен фаворит за наследник на Јенс Столтенберг е холандскиот премиер во заминување, Марк Руте. Мандатот на Столтенберг завршува оваа година.