При извршување на работни задачи 39-годишниот багерист од Пехчево вчера пријавил во СВР Скопје дека кога копал со багер во близина на стари гробишта во кругот на Студентски дом „Стив Наумов“ на подрачјето на Гази Баба, пронашол коски кои наликувале на човечки.

„На 2 декември 2025 година, околу 11:55 часот, во СВР Скопје, Г.Ј. од Пехчево пријавил дека при извршување работни задачи – ископ со работна машина багер, пронашол коски кои наликувале на човечки, во близина на стари гробишта во кругот на Студентски дом „Стив Наумов“ на подрачјето на Гази Баба“, соопштија од Министерството за внатрешни работи.

Се врши увид на местото на настанот, а коските се предадени за натамошна форензичка анализа.

Т.Д.

Извор на фотографија: Pixabay