Првата група од предвремено родени бебиња кои се евакуирани од болниците во Појасот Газа влезе во Египет преку преминот Рафа на натамошно лекување, објави египетската телевизија Ал Кахера, пренесува „Ројтерс“.

Според палестинската Црвена полумесечина, во египетските болници се очекува да бидат примени дваесетина бебиња.

Новороденчињата беа во болницата Ал Шифа во Газа, каде неколку бебиња починаа поради колапс на медицинските услуги, делумно предизвикани од недостиг на гориво за работа на агрегатите.