Новата работна недела, воедно и пролетта ја започнуваме со претежно сончево и топло време со мала до умерена облачност. Ќе дува слаб до умерен ветер од јужен правец.
Во Скопје умерено облачно.
Минималната температура ќе се движи во интервал од -2 до 5°C, а максимумот од 18 до 23°C.
Агропрогноза:
Разладувањето на атмосферата, со врнежи од дожд и снег на повисоките места, со пониски утрински температури, во изминатата седмица, го успорија или го одржуваа на исто ниво пролетното будење на овошките, што е добро во овој период од годината.
Ниските минимални утрински температури викендов, од агрометеоролошки аспект можат да причинат штети со појава на мраз, доколку во регионите каде е веќе расцветан бадемот, сливата и раните сорти кајсии истите да паднат под -5°C, температура која е пониска од издржливоста на овошките во оваа фаза. Појавата и јачината на мразот не е секаде еднаква, многу зависи од позицијата на теренот, конфигурацијата на земјиштето, поточно области каде што постои ризик од мраз.
Во повисоките региони каде не е отпочната вегетацијата добро е што ќе ги одржи подолго време во мирување овошките, фаза која колку подолго се одржува, толку се поголеми шансите да имаме поуспешна реколта.
Информација од утрово:
Минимална температура (во °C)
Деталите во Телма МЕТЕО со Ирена Лазарова – Димитровска, во соработка со УХМР!
e-mail: [email protected]
