Бугарскиот претседател Румен Радев ќе го предаде првиот мандат за нова влада по Нова Година.

Тој ова го објави по завршувањето на консултациите со парламентарните партии.

Радев сумираше дека за време на консултациите е изразено заедничко мислење дека довербата во 51-то Народно собрание е исцрпена, дијалогот меѓу политичките сили е уништен, а можноста за предвремени парламентарни избори веќе се наѕира на хоризонтот.

Денес, шефот на државата разговара и со претставници на партијата „Величи“. Со овие консултации се заклучува рундата разговори со политичките формации во 51-то Народно собрание пред продолжувањето на уставната постапка за доделување мандат за формирање влада.