Седум малолетници на возраст од 12 до 17 години се повредени во пукање пред трговски центар во Индијанаполис, главен град на американската сојузна држава Индијана, соопшти полицијата.

Според заменичката на шефот на полицијата на Индијанаполис, Тања Тери сите повредени момчиња се наоѓаат во стабилна состојба. Таа додаде дека никој не е уапсен и оти станува збор за уште еден случај во кој малолетници се обиделе да решат меѓусебни спорови со огнено оружје, пракса за која истакна дека мора да престане.