Римскиот историски центар блесна во празнични бои откако градоначалникот Роберто Гвалтиери ги вклучи светилките на 20-метарската новогодишна елка на Пјаца дел Пополо, украсена со 100.000 ЛЕД светла.

Илјадници граѓани се собраа да го проследат традиционалниот настан кој внесе празнична атмосфера низ улиците на главниот град, каде се украсени и главните булевари и плоштади. Многумина ја истакнаа симболиката на светлото во време на глобални предизвици.

Посетителите изразија надеж дека празничните украси ќе донесат мир и спокој. „Се надеваме дека овие светла ќе ни подарат малку повеќе надеж,“ порачаа дел од присутните.

Т.Д.