Американскиот државен секретар Марко Рубио смета дека Кина треба да биде дел од сите идни разговори за наметнување ограничувања на нуклеарното оружје, истакнувајќи го „огромниот и брзорастечки арсенал“ на земјата.

Последниот договор за нуклеарно оружје меѓу Русија и САД треба да истече во четврток. Рускиот претседател Владимир Путин изјави дека е подготвен да се држи до ограничувањата на договорот уште една година ако Вашингтон го следи примерот, додека Рубио го повтори ставот на претседателот Доналд Трамп дека Кина треба да биде вклучена во такви дискусии.

Трамп претходно рече дека разговарал со претседателот Си Џинпинг од Кина, вклучително и за теми поврзани со војската. Но, сепак тој не објасни дали тие разговори ги вклучуваат и нуклеарните арсенали на нивните земји.