Русија ги демантираше информациите објавени од страна на медиумите во Полска наводна експлозија на руски проектили на територијата на оваа соседна држава на Украина и членка на НАТО како „намерна провокација“

Во реакцијата објавена на социјалната мрежа Телеграм, руското министерство за одбрана оцени дека целта на оваа провокација е да се ескалира ситуацијата.

„Никакви напади против цели во близина на границата меѓу Украина и Полска од страна на рускиот воен арсенал не беа воопшто извршени“ – се вели во реакцијата на руската страна.

Истовремено во реакцијата на руското министерство за одбрана се додава дека фрагментите од ракети од местата на експлозијата, кои наводно биле снимени од полските медиуми, немаат никаква врска со руското оружје.