Најмалку едно лице загина, а неколку се повредени откако Русија денеска го гранатираше Киев.

Нападот се случи само еден час откако украинскиот претседател Володимир Зеленски одржа прес-конференција со генералниот секретар на ОН Антонио Гутереш во градот. Портпаролот рече дека Гутереш и неговиот тим се безбедни.

Во меѓувреме, забележани се експлозии низ целата земја, во Полоне на запад, Чернихив во близина на границата со Белорусија и Фастив, главен железнички јазол југозападно од Киев. Украинските власти известија и за интензивен руски оган во Донбас.