Продолжува убедувачката мисија од страна на европските дипломати за Македонија да го прифати францускиот предлог. По вчерашната посета на претседателот на Европскиот совет, Шарл Мишел денеска во официјална посета е и германскиот претсавник за Западен Балкан, Мануел Сарацин.

Македонија треба да го прифати францускиот предлог, затоа што со него се овозможува веднаш да се започне процесот на пристапните преговори без понатамошни одолговлекувања и без можност за блокади, изјави Сарацин.

Тој смета дека нема да добиеме можност за некој нов договор кој ќе биде подобар. Неговиот домаќин, вицепремиерот за европски прашања, Бојан Маричиќ најави дека во наредните денови ќе мора да се комплетира пакетот и да се донесе одлуката, како и дека протоколот со Бугарија се уште се доусогласува.