Германскиот претседател Франк-Валтер Штајнмаер денеска се очекува да ја соопшти својата одлука дали ќе го распушти Долниот дом на германскиот парламент, со што ќе се отвори патот за предвремени парламентарни избори во февруари.

Се верува дека претседателот ќе го исполни барањето на канцеларот Олаф Шолц за распуштање на Бундестагот. Со распуштањето на Долниот дом, претседателот ќе одреди датум за избори, а се очекува тоа да биде 23ти февруари.

Овој датум беше прифатлива за парламентарните лидери на социјалдемократите на Шолц и конзервативната Христијанско-демократска унија. На Шолц му беше изгласана недоверба во Бундестагот на 16ти декември, откако минатиот месец се распадна коалицијата на Социјалдемократите, Зелените и Слободната демократска партија.