Пожарот кој денеска околу 16 часот избувна кај селата Бучници и Ајватовци, на територијата на Општина Илинден во борова шума, се шири со голема брзина и добива сериозни димензии, соопштија од Центарот за управување со кризи.

Директорот на ЦУК, Стојанче Ангелов, изјави дека постои опасност поради ветерот пожарот да се прошири кон селото Ајватовци и затоа напорите на пожарникарите од ТППЕ Скопје се насочени кон спречување на негово ширење и зафаќање на куќите.

Ангелов додаде и дека гасењето на пожарот од воздух ќе продолжи утре наутро веднаш штом ќе зазори.

Рано наутро двата полициски хеликоптери веднаш по зазорувањето ќе полетаат и ќе почнат со дејство, а нешто подоцна и два ер трактори на Дирекцијата за заштита и спасување, информираше Ангелов.

Според Ангелов, до сега изгореле околу 30 хектари.

ВО БЛИЗИНА НА АЈВАТОВЦИ ИЗБИ СИЛЕН ПОЖАР, ВО БОРОВА ШУМА. ГРУБА ПРОЦЕНКА Е ДЕКА Е ЗАФАТЕНО ОКОЛУ 30 ХЕКТАРИ, ЗБОРУВАМ ЗА ТРЕВА ГРМУШКИ, НО И ЗА БОРОВА ШУМА. ТАМУ ИНТЕРВЕНИРА ЕДЕН ЕР ТРАКТОР ОД ДЗС, НО Е ИСПРАТЕН И ЕДЕН ПОЛИЦИСКИ ХЕЛИКОПТЕР. ИМАМЕ УШТЕ ДВА ТЕШКИ ПОЖАРИ ЕДНИОТ Е КАЈ УМОВО НА ТЕРИТОРИЈА НА ОПШТИНА СТУДЕНИЧАНИ, КОЈ ИЗБИ ПОСЛЕ 16 ЧАСОТ И УШТЕ ЕДЕН ПОЖАР ИМА НА ТЕРИТОРИЈА НА СЕЛО РАШЧЕ, ИЗЈАВИ АНГЕЛОВ.