Ситуацијата во Нова Каледонија е релативно мирна откако илјада полицајци од Франција пристигнаа на  француската прекуморска територија, соопштија денеска француските власти.

Сепак, демонстрантите продолжуваат да ги блокираат патиштата, а аеродромот останува затворен по една недела немири.

Блокадите на патиштата го отежнуваат снабдувањето со храна и пристигнувањето на време на итната медицинска помош изјавија официјални лица од Нова Каледонија.

На островот има и заглавени туристи , а Австралискиот премиер Ентони Албанезе изјавил дека Австралија побарала од француските власти одобрение да испратат авион за евакуација на австралиските туристи.