За попладне се закажани двете одвоени стредби на СОНК со министерството за труд, и со министерството за образование. Со медијаторот ќе продолжат преговорите за повисоки плати на просветарите, по состаноците минатата седмица, кои завршија без договор, но со приближување на ставовите.

Утре завршуваат вторите десет дена од постапката за помирување меѓу СОНК И МОН. Потоа синдикатот го очекува записникот  од помирувачот, по што ќе следи текст на спогодбата за помирување меѓу двете страни. А, за новите предлози од владата ќе расправа Советот на Синдикатот. Тајмингот за неговата одлука може да ги надмине законски доделените денови за помирување, а до нејзиното донесување штрајкот во воспитно – образовната дејност останува во мирување. Министерот за образование и наука Јетон Шаќири денеска изјави дека ќе направат напори да се постигне договор.