Гевгелија ги утврди цените за паркирање во центарот на градот. За еден час паркинг во најстрогиот центар на Гевгелија ќе се наплаќа 30 денари, додека малку подалечната зона ќе биде 20 денари за еден час.

Советниците ја изгласаа одлуката но, и претходеше двочасовна расправа. За советниците од опозицијата спорно е наплаќањето паркинг на станарите кои веќе имаат станови во центарот на градот а кои досега се паркирале без надоместок.

Тие бараат да се превенираа сообраќајниот хаос со изградбата на нови згради без соодветен паркинг.

Од општинскиот совет за безбедност на сообраќајот велат дека сите студии се правени со претходни консултации со граѓаните како и советувања со општини во земјава каде веќе функционира зонско паркирање.

Зонското паркирање треба да почне со функционирање до крајот на годинава.

Сузана Мицева