Претседателките на скопска апелација и кумановскиот суд Мери Дика Георгиевска и Снежана Манев дадоа свечени изјави откако Судски совет пред две недели ги избра за овие функции .  Георгиевска и Манев кои и пред да бидат избрани беа в.д. претседателки, денеска не сакаа да дадат изјави за медиумите.

Георгиевска најави дека наскоро ќе ги повика новинарите на брифинг.  Скопска апелација се соочува со голем недостаток на судии и за во среда,  Судскиот совет конечно закажа избор за 8 судии. Овој суд последнава година беше во фокуост на вниманието и поради укинувачките пресуди за повеќе високопрофилни предмети како Таргет Тврдина, Трезор, организатори на 27 ми април, Топлик. Освен со пожарот летоска, кумановксиот суд беше во центарот на вниманието и поради кртиките на министерот за правда Лога за претседателката но и со пресудата за клевета и навреда за пратнеикот Петрушевски.