Девет пациенти инфицирани со Ковид-19 починаа вчера откако пукна цевка за снабдување со кислород во болница во Владикавказ, главниот град на руската Република Северна Осетија, соопшти Министерството за здравство.

Покрената е истрага за непочитување на безбедносните прописи и смрт поради небрежност, објави Рускиот истражен комитет кој се занимава со тешки кривични дела.

Русија е на четврто место во светот по бројот на заразени со коронавирус, со речиси 6,5 милиони официјално пријавени случаи и најмалку 290,000 смртни случаи.