Властите на САД ставија четири кинески компании на „црната листа“ за извоз, поради сомневање дека извезуваат чипови со вештачка интелигенција, кои се користат за да се олесни работата на Кинеската војска. Властите на Кина ја осудија одлуката преку изјава на Министерството за надворешни работи во Пекинг.

• ,,Ние цврсто се спротивставуваме на одлуката на САД, за злоупотребата на контролата врз забраните за извоз, како и списоците на компании кои се спречени. САД треба да престанат да ги политизираат, инструментализираат и да наштетуваат на економските и трговските прашања. Кина ќе ги преземе потребните мерки за да ги заштити легитимните права и интереси на кинеските претпријатија”, изјави Мао Нинг, портпаролката на МНР на Кина.

Пред санкциите, лидерите на САД  и Јапонија изразија загриженост за зголемената агресивност на Кина во Тајванскиот теснец, како и на јужните и источните граници во Кинеското Море. Портпаролката на МНР на Кина, Мао ја искритикува оваа изјава оценувајќи ја за кршење на нормите од меѓународното право и мешање во внатрешните односи на државата.

Теа Димковска