Осум години по стапувањето во сила на стандардите за контрола на загадувањето на воздухот, согласно Договорот за основање на Енергетската заедница во 2018 година, емисиите што предизвикуваат загадување во Косово, во Босна и Херцеговина, во Србија и во Северна Македонија се 6,6 пати над дозволените граници, се вели во извештајот на мрежата „Бенквоч нетворк“.

Извештајот на мрежата еколошки организации е објавен денеска и се осврнува на неспроведувањето на прописите за емисиите на сулфур диоксид (SO₂) од застарените термоцентрали на јаглен во Западен Балкан, чии емисии лани ги надминале законските ограничувања.

Термоцентралите во Босна и Херцеговина забележале најголеми емисии на сулфур диоксид – 196.940 тони, што е 12,7 пати над дозволеното ниво. Следува Србија со 177.756 тони, односно 5,1 пати над пропишаната граница. Во целиот регион на Западен Балкан емисиите на сулфур диоксид од 2018 година наваму се намалиле само незначително.