Тимот од 40 македонски спасувачи, со 11 возила во конвој, кој беше координиран од Дирекцијата за заштита и спасување, во соработка со турските власти, ја премина границата во оваа држава зафатена од земјотресот и во моментов се наоѓа во северо-источниот дел на Газијантеп. Овој тим е предводен и го раководи, заменик-директорот во ДЗС, Зулфикер Зејнула, како и тим лидерот Ивица Наумовски, изјави во вечерашната Топ Тема, Маја Тимовска, раководител во Дирекцијата за заштита и спасување.

Таа додаде дека уште 30 лица испратени од републичките сили за заштита и спасување веќе ја преминале границата.