Американскиот претседател Доналд Трамп потпиша извршна наредба за воведување нови царини за американските трговски партнери.

Овие царини ќе бидат реципрочни, со цел да ги изедначат условите за игра меѓу американските производители и странските конкуренти.

Трамп изјави дека ова е фер мерка и дека нема да прифати жалба од никого.

Царините нема да стапат на сила веднаш, туку надлежните органи имаат 180 дена да ги идентификуваат погодените земји и да наметнат царини специфични за нив.

Засегнатите земји ќе бидат поканети да преговараат со САД.

Тие ќе се фокусираат на земјите со најголем трговски дефицит, без разлика дали станува збор за конкуренти како Кина или сојузници како Европската унија.

САД сакаат да ја поправат трговската нерамнотежа, а експертите предупредуваат дека оваа мерка може да доведе до повисоки цени за потрошувачите во САД и инфлација.