Претседателот Доналд Трамп повторно го критикуваше претседателот на Украина, Володимир Зеленски велејќи дека справувањето со него е потешко отколку со Русија во напорите на САД да стави крај на војната.

Зеленски во вторникот ја отфрли можноста за отстапување територија на Русија во каков било договор пред разговорите меѓу американските, европските и украинските претставници. Оваа нова вербална пресметка меѓу Трамп и Зеленски е само последна во низата на нивниот често затегнат однос. Во февруари, двајцата имаа жестока средба во Овалната соба.

Трамп, кој треба да отпатува на Блискиот Исток следниот месец, рече дека е „можно“ да има средба со Путин додека е во Саудиска Арабија, но доколку тоа не се случи средба со рускиот претседател ќе има многу скоро.