Американскиот претседател Доналд Трамп во интервју за „Фокс њуз“ ги коментираше наводите дека рускиот претседател му доставува локации на војниците на САД на Блискиот Исток на Иран. Тој оцени дека тоа е можно и таквиот потег го поврза со американската помош за Украина.
Запрашан дали Путин му помага на Иран, Трамп одговори:
„Мислам дека малку им помагаат, да, претпоставувам“.
Својата претпоставка веднаш ја обрзаложи со контрапрашање:
„А, веројатно мисли на тоа што ние ѝ помагаме на Украина, зарем не?“.
Кога водителот забележа дека САД навистина ѝ помагаат на Украина, Трамп продолжи:
„Да, и ние им помагаме и тој го гледа тоа. Знаете, Кина би кажала иста работа. Нешто како „еј ,тие го прават тоа, па и ние го правиме тоа, да бидеме чесни““.
