Aмериканскиот претседател Доналд Трамп им изјави на новинарите  дека „Иран е апсолутно десеткуван“. Претседателот на САД зборуваше во заедничката база Ендрус, Мериленд, враќајќи се од патувањето во Охајо и Кентаки.

Новинар го праша претседателот дали слушнал за можен заговор за одмазда на Иран во Калифорнија, каде што ќе има некаков вид брод на отворено море што ќе лансира дронови. На што Трамп одговори дека „се истражува“.

Претседателот Трамп беше прашан и за можните ирански скриени ќелии во Соединетите Држави  на што тој одговори дека САД знае каде се повеќето од нив.

• Се истражува, но се случуваат многу работи. И сè што можеме да направиме е да ги прифатиме како што доаѓаат. Самата војна се води како што некој досега не видел. И ова ми го кажуваат и други земји. Големи земји, моќни земји, тие рекоа дека никогаш не виделе нешто слично. И тие исто така се согласуваат со она што го правам. Тие велат дека е зла земја, и така е веќе 47 години, изјави Трамп.

Новинар:  И ако се обидат да ни возвратат удар, дали сте биле информирани за тоа колку ирански скриени ќелии би можеле да има во САД во моментов?

Трамп:  Бев информиран, и многу луѓе влегоа преку Бајден со неговата глупава отворена граница. Но, ние знаеме каде се повеќето од нив. Мислам дека ги имаме на ум сите нив.