Транспаренси Интернешнл-Македонија ја објави редовната анализа „Бистро-Матно“ за јануари 2026 година, со осврт на случаи поврзани со корупција и злоупотреби.

Меѓу „матните“ настани се истраги за примање поткуп кај судии, финансиски и градежни неправилности во Општина Охрид и Гази Баба, како и неефикасно работење на здравствени и индустриски институции.

Во делот „бистри“ се истакнуваат обвиненија против 13 полициски службеници за пожарот во Кочани, истрага за финансиски криминал вреден 4,8 милиони евра и обвинение за проневери во Општа болница Прилеп.

Дополнително, уапсен е вработен во Основниот суд Гостивар поради обид за земање мито од граѓанин

. „Бистро-Матно“ продолжува да служи како алтернативен барометар за корупцијата во државата и придонесува за поголема свест и одговорност во општеството, со што јавноста и институциите добиваат прецизен увид во состојбите и активностите против корупцијата.