Инцидентот што се случи синоќа во скопската општина Чаир повторно го сврте вниманието кон прашањата за безбедноста и насилството на јавни места. Според официјалното соопштение од Министерството за внатрешни работи инцидентот се случил околу 19:48 часот на крстосницата меѓу улиците „Цветан Димов“ и „Џон Кенеди“ каде дошло до физичка пресметка меѓу три лица, меѓу кои и едно малолетно лице на 14-годишна возраст.

Во пресметката биле употребени и ножеви, при што сите тројца се здобиле со телесни повреди. Повредените биле итно пренесени во Градската болница „Св. Наум Охридски“ и на Клиничкиот центар „Мајка Тереза“.

МВР информира дека се преземаат мерки за целосно расчистување на случајот, но не се објавени детали за тоа како започнал конфликтот, ниту во каква врска се лицата меѓу себе.