Турската полиција уапси 357 осомничени луѓе во операцијата против Исламска Држава (ИД), објави министерството за внатрешни работи. Акцијата доаѓа по еден ден од убиството на тројца полицајци и шестмина милитанти во престрелка на северозападот на Турција.

Операцијата, според министерот за внатрешни работи Али Јерликаја, била изведена во 21 покраина ширум Турција.

Канцеларијата на Јавниот обвинител претходно соопшти дека претреси на 114 локации се извршени само во Истанбул и уште две покраини, пришто се запленети разни дигитални материјали и документи.

Полицијата вчера се судри со милитанти во осумчасовната опсада на куќа во градот Јалова на брегот на Мраморното Море. Рацијата се случи по една недела по притворањето на 100 осомничени припадници во врска со наводни планови за терористички напади за Божик и Нова година.