На патот Демир Капија – Неготино, на место викано „Јела“, вчера околу 14.30 часот  биле лишени од слобода две лица на возраст од 20 и 26 години, едниот од Скопје, а другиот од Гевгелија откако при претрес на на нивните возила од страна на полициски службеници биле откриени шест лица, странски државјани.

Мигрантите кои ги превезувале биле со потекло од Сирија и од Пакистан.

За настанот е известен Јавен обвинител, а по целосно документирање на случајот ќе биде поднесен соодветен поднесок.