Ноќеска во Скопје, во 1 часот по полноќ, полициски службеници од СВР Скопје го лишиле од слобода Е.Ј. (31) од Скопје, кој синоќа во 20:30 часот на кружен тек од ул.„Кирил и Методиј“, ул.„Митрополит Теодосиј Гологанов“ и ул.„Костурски Херои“, со патничко возило „Фоксваген“ со скопски регистарски ознаки, удрил во пешакот Ѓ.П. (87) од Скопје.

МВР денеска соопшти дека по целосно документирање на случајот, во координација со јавен обвинител, против Е.Ј. ќе биде поднесена соодветна пријава.

Повредениот пешак синоќа со возило на Итна медицинска помош бил пренесен во Комплексот клиники „Мајка Тереза“, каде му биле констатирани тешки телесни повреди.