На државен трошок од сега ќе може да се прават шест Ин витро оплодувања, наместо три како што беше досега и тие се бесплатни за граѓаните, кажа денеска директорот на Фондот за здравствено осигурување (ФЗОМ), Сашо Клековски.

Станува збор за повеќе измени на Закон за здравствена заштита на населението кои на 10 јули беа донесени во Собранието, на иницијатива на група пратеници во соработка со Министерството за здравство и Фондот. Лани имало 1.495 барања за ин витро, а во осумте центри во земјава каде е тоа достапно реализирани се 1.108 интервенции, во најголем дел за прво дете.