Расистички инцидент на седница на францускиот парламент. Пратеник од крајната десница довикна „вратете се назад во Африка“ додека неговиот црномурест колега Карлос Мартен Билонго говореше за имиграцијата.

Следуваше општа викотница, а голем дел од пратениците беа во шок, што може да се види и од снимките на социјалните мрежи.

Кога претседателката на парламентот ги праша членовите на Националното обединување „од каде дојде повикот, кој го рече тоа“, не доби одговор.

Грегоар де Фурнас, член на таа партија, подоцна призна дека тој довикнал и додаде дека неговата забелешка не се однесува лично на Билонго, туку на мигрантите кои се обидуваат по морски пат да стигнат до Европа.

Билонго возврати дека е роден во Франција и оти таквата забелешка е „срамна“.

„Денеска сè се сведе на бојата на мојата кожа. Роден сум во Франција и јас сум француски пратеник“, рече Билонго, член на левичарската партија „Непокорена Франција“.

Реагираше и премиерката Елизабет Борн која нагласи оти „нема место за расизам“.

⛔️ A Racist Attack in the Assembly

Thursday’s scenes in the Assemblée Nationale shocked many, and the racist attack on Carlos Marten BIlongo drew anger from all sides of the political spectrum.https://t.co/l3eNSZjlhz

— Julien Hoez (@JulienHoez) November 4, 2022