Половина од речиси 6.000 станбени згради во Киев моментно се без греење по масовниот руски напад во кој беше тешко оштетена клучна инфраструктура во главниот град на Украина. Според „Украинска правда“, престолнината се соочува и со прекин во водоснабдувањето.

„Комуналните работници ги споија јавните објекти, особено болниците и породилиштата, со мобилни котларници. Заедно со енергетичарите работат за враќање на струјата и греењето во домовите на жителите на Киев. Градските служби работат во вонредни услови. За жал, временските прогнозиза наредните денови се тешки. Апелирам во жителите на Киев кои имаат можност, привремено да го напуштат градот и да отидат некаде каде постојат алтернативни извори на струја и топлина“, порача градоначалникот, Виталиј Кличко.

In Kyiv and the region, the aftermath of the massive Russian strike is still being dealt with. All necessary services are deployed. Twenty residential buildings alone were damaged. Recovery operations after the strikes also continue in the Lviv region and other regions of our… pic.twitter.com/AMkwfKHOkC

— Volodymyr Zelenskyy / Володимир Зеленський (@ZelenskyyUa) January 9, 2026

Рускиот напад почна во вечерните часови на 8 јануари, кога во Киев се слушнале експлозии предизвикани од дронови. Во квартот Деснијански, беспилотно летало погоди покрив на станбена зграда. Досега се потврдени четири жртви во рускиот напад на Киев. До утрово над половина милион луѓе во Киев и околината останаа без струја.