Протестот на опозицијата во Белград се уште трае пред Градското собрание. Опозицијата порача дека завршило времето за мирни протести и говори и дека дошло време за акција.

Претходно до граѓаните се обрати и српскиот претседател Александар Вучиќ кој рече дека институциите ја имаат ситуацијата под контрола. Најави дека сите кои учествувале во насилните протести кривично ќе одговараат.

Опозицијата пак му одговори изборите се украдени и дека мора да бидат организирани нови избори.

Насилните протести почнаа на седмиот ден по изборите во Белград откако со денови опозицијата обвинува за изборни нерегуларности и кражба на гласови.

Дел од граѓаните и лидерите на опозициските партии се обидоа насилно да влезат во градското собрание. Ја скршија влезната врата и со камења фрлаа по објектот.

Полицијата се обиде со солзавец да ја растера толпата.