Познатиот ресторан „Sobrino de Botín“ во центарот на Мадрид со гордост го носи признанието за најстар ресторан во светот, отворен во 1725 година. Но, недалеку од таму, семејниот ресторан Casa Pedro тврди дека е постар – основан во 1702 година. Сопствениците на Casa Pedro ангажирале историчар и пребаруваат архиви за да го докажат тоа.
„На логото пишува ‘Casa Pedro од 1702’. Па си рековме, зошто да не се обидеме да го докажеме тоа?“, вели сопственичката Ирене Гуињалес. Додека архивите од поранешниот град Фуенкарал, сега дел од Мадрид, изгореле за време на Шпанската граѓанска војна, парот успеал да најде документи во националните архиви што сведочат за постоење на таверна, визба и гостилница уште во 1750 година.
И двата ресторана се семејни, нудат традиционални кастилски јадења и имаат богата историја со многу познати гости. Потрагата по докази за вистинското потекло на Casa Pedro продолжува.
El Sobrino de Botín in Madrid, Spain has been in operation since 1725 and holds the Guinness World Record for the oldest restaurant in the world pic.twitter.com/0mC1RUnxvG
— Insider Food (@insiderfood) June 6, 2023
