Филипче на прес-конференции изнесува невистини и глупости кои се далеку од реалноста, не кажа за неговата соработка со човекот на кој му е забранет влезот во Македонија, Виктор Стојанов, реагираат од владејачката ВМРО-ДПМНЕ.

Филипче требаше денес да излезе на прес и да се извини на македонските граѓани за неговите антимакедонски политики и да си замине од политиката, исто како што негови блиски му советувале да го тргне Рубин Земон од член на ИО на СДС. Бугарските политики во Македонија ги застапува специјалниот пратеник на Радев, Филипче и затоа цврсто и денес по 100-ти пат кажа дека уставните измени мора да се направат. Оние кои не негираат на Филипче му се наредбодавци. На крај ќе остане сам со кланот Заеви, се вели во реакцијата на ВМРО-ДПМНЕ.